12 ივლისიდან პროფესიულ საგანმანათლებლო პროგრამებზე რეგისტრაცია იწყება და 20 აგვისტოს ჩათვლით გაგრძელდება. რეგისტრაცია შესაძლებელია როგორც ონლაინ, ვებგვერდზე – vet.emis.ge, ასევე, საქართველოს მასშტაბით მოქმედ რესურსცენტრებსა და პროფესიული საგანმანათლებლო პროგრამების განმახორციელებელ დაწესებულებებში.

2021 წლის მიღებისთვის, მთელი საქართველოს მასშტაბით, საჯარო და კერძო პროფესიული დაწესებულებები პროფესიულ სტუდენტებს ასზე მეტი დასახელების პროგრამაზე მიიღებენ.

აღსანიშნავია, რომ შემუშავდა პროფესიულ პროგრამებზე ჩარიცხვის ახალი წესი, რომლის თანახმად, წელს პირველად, ერთიანი მიღების ფარგლებში იქნება შესაძლებელი ჩარიცხვა არა მხოლოდ საჯარო, არამედ ყველა კერძო დაწესებულებაში. ამდენად, ყველა ავტორიზებული, მათ შორის, კერძო დაწესებულება სტუდენტებს მხოლოდ ერთიანი მიღების ფარგლებში, საერთო პლატფორმის მეშვეობით ჩარიცხავს.

ახალი მიდგომა გაზრდის პროფესიულ განათლებაზე ხელმისაწვდომობას და უზრუნველყოფს ყველა დაინტერესებული პირის ჩართულობას პროფესიულ განათლებაში, ასევე ითვალისწინებს პროფესიულ საგანმანათლებლო პროგრამებზე სწავლის გაგრძელების მსურველთა ინდივიდუალურ საჭიროებებს.

2021 წელს გაიზარდა ინტეგრირებული პროგრამების რაოდენობაც, რაც საბაზო განათლების მქონე პირებს საშუალებას აძლევს პროფესიულ განათლებასთან ერთად სრული ზოგადი განათლებაც მიიღონ.

აპლიკანტთა ჩარიცხვის პროცესში გამოყენებული იქნება მრავალფეროვანი მექანიზმები, რაც, პროგრამების სპეციფიკის გათვალისწინებით, სტუდენტთა შერჩევა-შეფასების მიმართულებით გაცილებით მოქნილ მიდგომებს ითვალისწინებს.

შეგახსენებთ, რომ 2021 წელს შეფასებისა და გამოცდების ეროვნული ცენტრის მიერ ორგანიზებული პროფესიული ტესტირების გავლა მხოლოდ უმაღლეს პროფესიულ პროგრამებზე ჩარიცხვის მსურველებს მოუწევთ. რაც შეეხება სხვა პროგრამებზე მიღებას, პროფესიული საგანმანათლებლო დაწესებულებები, პარტნიორ ორგანიზაციებთან, მათ შორის დამსაქმებლებთან ერთად, თავად უზრუნველყოფენ სტუდენტთა შერჩევის პროცესის ორგანიზებას.

2021 წელს შეთავაზებული პროფესიული საგანმანათლებლო დაწესებულებებისა და პროგრამების სრული ჩამონათვალი ხელმისაწვდომია ვებგვერდებზე - vet.emis.ge და vet.ge.

დამატებითი ინფორმაციის მიღება შესაძლებელია საქართველოს განათლებისა და მეცნიერების სამინისტროს ცხელ ხაზზე: (995 32) 2 200 220.


 

Written on 28/03/2021, 19:01 by icarus
კითხვარები     კოლეჯი „იკაროსი“ სტუდენტებს შესავსებად გთავაზობთ ორი ტიპის კითხვარს :   1.      სტუდენტების შეფასების კითხვარი - შეუძლია შეავსოს ნებისმიერი სპეციალობის...
Written on 01/03/2021, 15:40 by icarus
პრაქტიკული-სწავლების-განახლების-პარალელურად-პროფესიული-კოლეჯების-მონიტორინგი-სისტემატურად-გაგრძელდება საქართველოს მასშტაბით მოქმედ პროფესიულ კოლეჯებში პრაქტიკული სწავლების კომპონენტი დღეიდან უკვე დასწრებული ფორმით მიმდინარეობს. სასწავლო პროცესის აუდიტორიაში განახლების პარალელურად,  განათლების,...
Written on 29/12/2020, 16:57 by icarus
საახალწლო-არდადეგები კოლეჯი „იკაროსი“ გილოცავთ დამდეგ შობა-ახალ წელს! კოლეჯში 28.12.2020 დან 18.01.2021 მდე ცხადდება საახალწლო არდადაგები. გისურვებთ ჯანმრთელობას, ბედნიერებას და უდიდეს...
Written on 18/10/2020, 11:12 by icarus
2020-შემოდგომ-სტუდენტების-განაწილება   მოგესალმებით! იხილეთ ახლად ჩარიცხული სტუდენტების განაწილება ჯგუფების მიხედვით   კულინარიის ხელოვნება    ჯგუფი N363   I...
Written on 12/10/2020, 10:31 by icarus
ყურადღება-2020-შემოდგომა   მოგესალმებით! იმ პირებმა, რომლებმაც რეგისტრაციისას მითითებულ არცერთ პროფესიული საგანმანათლებლო პროგრამაზე არ გააკეთეს არჩევანი. სსიპ განათლების მართვის საინფორმაციო სისტემაში...
Written on 02/10/2020, 14:27 by icarus
დისტანციური-სწავლება   მოგესალმებით! კოლეჯის აქტიური სტატუსის მქონე სტუდენტებისათვის და ასევე ახალი ნაკადის საყურადღებოდ! როგორც უკვე გაცნობეთ სასწავლო პროცესი 5 ოქტომბრიდან დაიწყება დისტანციურად. თქვენი მხრიდანა...
Written on 30/09/2020, 09:05 by icarus
სასწავლო-პროცესის-განახლება   მოგესალმებით! კოლეჯის აქტიური სტატუსის მქონე სტუდენტებისათვის და ასევე ახალი ნაკადის საყურადღებოდ! სასწავლო პროცესი დაიწყება დისტანციურად, ეტაპობრივად ყველა პროგრამაზე 5 ოქტომბრიდან.თქვენი...

დაეუფლეთ ჩვენთან შემდეგ პროფესიებს


კულინარიის ხელოვნება

კონდიტიერია

ბართენდერი
  
ყურადღება!!!
განახლებული სასწავლო ცხრილები იხილეთ Google Drive -ზე 
ცხრილების განახლების თარიღია 26/07/2021

Where did you learn about us

Internet - 42.9%
TV - 14.3%
Social Network - 0%
From Friend - 42.9%
July 2021
Mo Tu We Th Fr Sa Su
28 29 30 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1