„იკაროსის“ 112-მა სტუდენტმა კულინარიის ხელოვნების სადიპლომო პროგრამა დაასრულა
კოლეჯ „იკაროსის“ კულინარიის ხელოვნების სადიპლომო პროგრამა დღეს უკვე ბევრ პროფესიულ სასწავლებელს შორის გამოირჩევა თავისი შედეგებით. 112-მა სტუდენტმა კულინარიის ხელოვნების სადიპლომო პროგრამა დაასრულა და საგამოცდო პროცესიც წარმატებით გაიარა. მათი 71% უკვე დასაქმებულია საქართველოს ცნობილ რესტორნებსა და კვების კომპანიებში; რაც ცალსახად მეტყველებს იმაზე, რომ „იკაროსის“ სასწავლო პროგრამა მიზანმიმართულია ნამდვილი პროფესიონალების მომზადებაზე და რა თქმა უნდა, პასუხობს ბაზრის მოთხოვნებს.
ჩვენთვის, როგორც პროფესიული საგანმანათლებლო დაწესებულებისთვის არსებითად მნიშვნელოვანია შეფასების სისწორე და ობიექტურობა. სწორედ ამიტომ გვაქვს შემუშავებული სანდო და გამჭვირვალე შეფასების სისტემა, რომელიც არა მარტო მშრალ საგამოცდო შედეგებს, არამედ სტუდენტების პრაქტიკულ უნარებს, შემოქმედებითობას და გუნდური მუშაობის პრინციპებსაც მოიცავს.
„იკაროსის“ სასწავლო პროცესი რამდენიმე მიმართულებით არის გამორჩეული, განსაკუთრებით კი ორი მნიშვნელოვანი ფაქტორის გამო; კერძოდ , სტუდენტებს შესაძლებლობა აქვთ რეალურ სამუშაო გარემოში გაიარონ სასწავლო პროცესი და ადგილზე ეზიარონ პრაქტიკულ გამოცდილებას; რაშიც მათ თანამედროვე ტექნიკა და აპარატურა აძლევს საშუალებას როგორც ტრადიციულ ისე ინოვაციურ კულინარიულ ტექნოლოგიებს დაეუფლონ. ხოლო ძლიერი სასწავლო გუნდი, - წამყვანი შეფმზარეულები, რესტორნებისა და სასტუმროების წარმატებული მენეჯერები გამორჩეული გამოცდილებით, ახალგაზრდებს კარიერული გზის არჩევაში ეხმარებიან.
სწორედ აღნიშნულ მიდგომებს და პრინციპებს ეფუძნება კოლეჯის კულინარიის ხელოვნების სასწავლო პროგრამაც. ახალგაზრდებისთვის შექმნილია სრულფასოვანი გარემო იმისათვის, რომ მათ მაღალი სტანდარტის მიხედვით მიიღონ შესაბამისი ცოდნა; რაშიც მათ ეხმარება როგორც ჩვენი პროფესიონალი გუნდი, ისე თანამედროვე ინფრასტრუქტურა და შეფასების გამჭვირვალე სისტემა. შედეგად კი ყალიბდებიან ახალი თაობის კულინარები და ბაზარზე ხდებიან მოთხოვნადი და წარმატებულები არიან.
იხ.სურათები:
